E Pik Pahani महाराष्ट्रातील शेतकरी बांधवांना पिकांची नोंदणी आता मोबाईल ॲपच्या माध्यमातून करता येते. ई-पीक पाहणी प्रकल्पामुळे शेतकऱ्यांना पीक विमा, अनुदान, नुकसानभरपाई आणि विविध सरकारी योजनांचा लाभ सोप्या पद्धतीने मिळतो. मात्र सध्या खरीप हंगाम २०२५ साठी सुरू असलेल्या नोंदणी प्रक्रियेत अनेकांना तांत्रिक समस्या भेडसावत आहेत.
अनेक शेतकरी ॲपमध्ये लॉगिन केल्यानंतर पुढे जाऊ शकत नाहीत, तर काहींना सर्व्हर डाउन किंवा ॲप बफरिंगच्या त्रासाला सामोरं जावं लागतं. यामुळे नोंदणीची प्रक्रिया वेळेत पूर्ण होत नाही आणि शेतकऱ्यांना नाहक त्रास सहन करावा लागतो.
ई-पीक पाहणी ॲपमध्ये अडचणी टाळण्यासाठी काय करावे?
सर्वात आधी तुमच्या मोबाईलवरील E-Pik Pahani (DCS) V:4.0.0 ॲपच्या आयकॉनवर दाबून धरा.
समोर आलेल्या पर्यायांमधून App Info निवडा.
त्यानंतर Storage and Cache वर क्लिक करून Clear Storage आणि Clear Cache करा. यामुळे ॲपमधील जुना किंवा अनावश्यक डेटा डिलीट होईल.
आता ॲप नव्याने सुरू करा आणि पुन्हा पिक नोंदणी प्रक्रिया करा. यामुळे ॲपमध्ये होणारा स्लो प्रतिसाद कमी होईल.
नोंदणी सुरू करण्यापूर्वी मोबाईलचे इंटरनेट कनेक्शन चांगले असल्याची खात्री करा.
OTP मिळवण्यासाठी नेहमी मजबूत इंटरनेट आवश्यक असते. OTP मिळाल्यानंतर तुम्ही पाहणीची प्रक्रिया ऑफलाइन मोडमध्ये करू शकता.
शेवटच्या टप्प्यावर नोंदणी पूर्ण झाल्यानंतर ती अपलोड करण्यासाठी पुन्हा इंटरनेट लागणार आहे.
या पद्धतींचा अवलंब केल्यास ई-पीक पाहणी ॲप सहज चालेल आणि नोंदणी प्रक्रियेत अडथळे येणार नाहीत.
Disclaimer: या लेखामध्ये दिलेली माहिती शेतकऱ्यांच्या सोयीसाठी आहे. यामध्ये दिलेले उपाय सामान्य तांत्रिक समस्या सोडवण्यासाठी उपयुक्त ठरतील. अधिकृत आणि अद्ययावत माहितीसाठी शासनाच्या कृषी विभागाच्या सूचनांचा अवलंब करावा.
