Ladki Bahini Yojanaमहाराष्ट्र शासनाची महत्वाकांक्षी “लाडकी बहीण” योजना राज्यातील महिलांसाठी एक मोठा आधार ठरली आहे. परंतु, शासनाने नुकत्याच काही नवीन अटी आणि नियम लागू केले आहेत. या नियमांमुळे अनेक महिलांचे अर्ज तपासले जात आहेत आणि काही अपात्र ठरण्याची शक्यता आहे. चला तर पाहूया कोणत्या अटींमुळे लाभ थांबू शकतो.
वयाची नवीन अट
या योजनेत अर्ज करणाऱ्या महिलांनी ठरावीक तारखेपर्यंत २१ वर्षांचे असणे बंधनकारक करण्यात आले आहे. नारी शक्ती दूत ॲपवरून अर्ज करणाऱ्या महिलांसाठी १ जुलै २०२४ पर्यंत वय पूर्ण असणे आवश्यक आहे, तर वेब पोर्टलवरून अर्ज करणाऱ्यांसाठी ही अट ३० सप्टेंबर २०२४ पर्यंत लागू राहणार आहे. ही अट पूर्ण न केल्यास अर्ज आपोआप बाद होईल.
जन्मतारीख पडताळणीची अट
अर्जासोबत जोडलेल्या आधार कार्डसारख्या ओळखपत्रांवरील जन्मतारीख आणि माहिती एकसमान असणे अत्यावश्यक आहे. जर या कागदपत्रांमध्ये तफावत आढळली, तर अर्ज रद्द केला जाणार आहे.
जास्तीत जास्त वयोमर्यादा: १ ऑगस्ट २०२५ पर्यंत ज्या महिलांचे वय ६५ वर्षांपेक्षा अधिक असेल, त्यांना या योजनेचा लाभ मिळणार नाही.
शिधापत्रिकेवरील मर्यादा
एकाच शिधापत्रिकेवर फक्त एक विवाहित आणि एक अविवाहित महिला या योजनेचा लाभ घेऊ शकतील. जर एका कुटुंबातील सासू आणि सून या दोघींनी अर्ज केला असेल, तर फक्त एकाच अर्जाला मान्यता मिळेल.
एकाच कुटुंबातील दोन बहिणी: जर एका कुटुंबातील दोन बहिणींनी अर्ज सादर केला असेल, तर त्यातील फक्त एक अर्ज ग्राह्य धरला जाईल आणि दुसरा अर्ज अपात्र ठरेल.
शिधापत्रिकेतील बदलासंदर्भात नियम
लाडकी बहीण योजनेचा लाभ सुरू झाल्यानंतर शिधापत्रिकेत केलेले कोणतेही बदल ग्राह्य धरले जाणार नाहीत. अर्जाच्या वेळी असलेली जुनी शिधापत्रिका वैध मानली जाईल.
महाराष्ट्राबाहेरील महिलांबाबत नियम: या योजनेचा लाभ फक्त महाराष्ट्रातील महिलांनाच दिला जाईल. महाराष्ट्राबाहेर स्थलांतरित झालेल्या महिलांना लाभ मिळणार नाही. यासाठी एकात्मिक बाल विकास प्रकल्प अधिकारी विशेष तपासणी करतील.
Disclaimer: या लेखात दिलेली माहिती विविध अधिकृत स्त्रोत आणि अद्यतनांवर आधारित आहे. यामध्ये बदल होण्याची शक्यता असून, अंतिम व अचूक माहिती मिळवण्यासाठी संबंधित शासकीय संकेतस्थळ अथवा स्थानिक अधिकारी यांचा सल्ला घ्यावा.
